Hidup adalah anugerah

Antonim hidup

Antonim mcm besa lah semua orang pun tau kan maksudnya, kata berlawan. Tapi apa yg kn ku bagitau ani sma lh maksudnya cuma ani pasal hal2 yg berlaku dalam hidup tani. Mcm

yg tani tau lh, idup di dunia ani, mcm2 ada, contohlh kalo ada orang baik mesti ada orang jahat, kalo ada orang kaya mesti ada orang miskin, kalo ada yang lawa mesti ada  yang bida. Tapi pernah tani terfikirkh psl npa semua ani ada.

Kalo ada orang baik napa ada g orang jahat? Semua orang mahu idup aman kalo semua orang baik, masalahnya orang yg jahat ani bh yg buat idup tani jadi inda aman. Tapi logikah mun semua orang baik bah, untuk apa tah neraka atu di cipta…kn3, lagi satu mun nada orang jahat, nada tah ada tu polis sama askar. Boring jua polis tu nada kn dibuat mun nada ada orang jahat. Sma jua kalo ada orang miskin mesti ada orang kaya. Yang banarnya tani sepatutnya idup saling tolong-menolong inda kira miskin atau kaya bukannya yg miskin dipinggirkan n yang kaya diutamakan.

Napa kalo ada yang lawa mesti ada yang bida? Napa kalo ada yang kurus mesti ada yang gemuk? Napa kalo ada yang handsome mesti ada yang inda handsome? Napa kalo ada yang normal  mesti ada yang inda normal? Tani idup di dunia ani sepatutnya menerima apa yg ada arah diri tani sma apa yang ada arah diri orang lain. Dalam persahabatan, gemukkah, kuruskah, lawakah, bidakah, kayakah, miskinkah, pintarkah, semua ani inda penting, yang penting tani ikhlas berkawan. Inda semestinya yang handsome or lawa or normal tu ok, kadang2 yang inda handsome or inda lawa or inda normal atu ada sumthing spesel yang nada ada arah yang orang lain.

Ani yang aku terfikir saja aku buat mybe ada banyak sebab napa semua ani terjadi. Yang penting tani mesti ingat tani semua sama saja cuma berbeza pangkat, taraf, size, rupa, bangsa, agama tapi mun namanya manusia, masih jua tani sama. Harus tani ingat nada ada satu pun manusia yang sempurna. Jangan marah kalo tani inda handsome, gemuk, bida psl atu anugerah dari Tuhan, tani sepatutnya terima dengan ikhlas, lagi pun bukan semua orang inda dapat menerima tani, masih lagi ada orang sayang tani, family tani, kawan2 sejati tani n yg penting sekali Tuhan tetap sayang tani. N also semua ani sementara inda kekal selamanya, lurus jua tu psl idup di dunia ani sementara saja, so, tani inda payah ingau psl atu, yang penting tani idup biarlah ikhlas.

Done by: WTP MM