Pernah dangar cerita fasal profeser sama katak ani? Hmm pernah kali eh, dari kekawan ataupun terbaca dari internet. Tapi inda apa lah, yang sudah tahu ceritanya, jangan malu malu tutup telinga okey? Hehe ceritanya macam ani...
Pada zaman penjajah Eropah datang ke Asia tenggara dulu, ada lah seorang pengkaji ani. Namanya Prefeser Jack Johnson, urang panggil kedia J.J. ia ani pakar dalam bidang haiwan saja lah.
Dalam banyak banyak binatang yang dikajinya, seekor binatang saja ia terpakai hmm unik lah baginya. Binatang atu katak, anu binatang jenis amfibia ah mustahil jua kamu inda tahu kan.
Okey lah, pertama sekali, ia masukkan katak atu ke dalam akurium. Lapas atu, ia katuk cermin akuarium atu. Apa lagi, katak atu terkajut tarus melumpat ke dapan dengan kakinya. Si profeser pun mencatat hasil dari kajian nya atu ke dalam notanya, ‘A frog with four legs, jump!’
Seterusnya, ia putung kedua dua kaki belakang katak atu. Macam tadi, dimasukkan nya semula katak atu, tarus di katuknya cermin akuarium atu. Katak atu terkajut, tarus melunsur ke dapan makai tangan nya. Macam tadi, dicatatnya lagi pat notanya, ‘A frog with two legs, slide!’
 |
| Sekadar hiasan |
Akhirnya, ia putung tangan katak atu dan menyimpan balik binatang atu ke dalam akuarium kaca tadi. Macam biasa, dikatuknya. Katak atu cuba untuk lari ke dapan tapi inda dapat fasal kaki dan tangan nya nada. Jadinya, profeser atu pun menulis dalam notanya,’A frog without leg, deaf!!’
Pengajaran- Sepandai mana pun manusia atu, mesti ada jua bodohnya. Jadinya, inda semua manusia atu pandai atau dengan erti kata lain, nada seorang manusia atu sempurna errrrr kali lah haha
No comments:
Post a Comment